BO DÍA FAMILIAS!
Sabedes que é un cubo de Rubik? Seguro que si, máis de
un/unha terá un na casa. Cóntovos, este xoguete é un magnífico recurso, entre
outros, para traballar e mellorar a INTELIXENCIA ESPACIAL. E preguntarédesvos, que
é esa intelixencia? defínese como “o conxunto de habilidades mentais
relacionados directamente coa navegación e a rotación de obxectos na nosa mente”,
é dicir, a capacidade de cada un de nós para visualizar obxectos na nosa mente, así
como a habilidade de imaxinar un corpo en diferentes posicións. Algúns exemplos de
tarefas onde entra en xogo esta intelixencia: organizar as caixas, libros
e paquetes nun rocho ou construír
unha maqueta. Outras actividades menos frecuentes nas que a intelixencia
espacial está fortemente involucrada son, por exemplo, aquelas nas que se debe
esculpir unha forma nun material ou facer un plano dunha estrutura.
Como dixen con anterioridade esta capacidade pódese exercitar e polo tanto, mellorar. Existen
xogos como o que nomeei antes, o cubo de Rubik (para quen queira practicar existen infinidade de titoriais en Youtube) e tamén outros como o tangram (que moit@s de vós xa traballastes con el😉) ou o xeoplano que podedes utilizar. Para rematar co post, déixovos
algúns enlaces que vos conducen por unha banda, a páxinas nas que atoparedes algunha tarefa online e pola outra, facilítovos para os máis grandiños diversas fichas.
- Para os máis peques tedes algún recurso premendo aquí.
- Para os maiores outros enlaces de interese.
- E tamén varias fichas moi entretidas para que practiquedes esta habilidade: ficha 1, ficha 2, ficha 3, e ficha 4.
